լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
12.03.2018 | արդար դատաքննության իրավունք

«Իսկ ինչո՞ւ է նախկին նախագահը սադրվել, եթե Նիկոլն է եղել Մարտի 1-ի սադրիչը». Փաստահավաք խմբի անդամ

«Իսկ ինչո՞ւ է  նախկին նախագահը սադրվել, եթե Նիկոլն է եղել Մարտի 1-ի սադրիչը». Փաստահավաք խմբի անդամ
ՀՀ գլխավոր դատախազությունը դեռ չի որոշել՝ կանչե՞լ ՀՀ երկրորդ նախագահ Ռոբերտ Քոչարյանին հարցաքննության, թե՞ ոչ: Գլխավոր դատախազի մամուլի խոսնակ Գոռ Աբրահամյանը Forrights.am-ի հարցին ի պատասխան ասաց, որ Ռոբերտ Քոչարյանին հարցաքննելու առթիվ Նիկոլ Փաշինյանի դիմումը քննարկվում է և պատշաճ կարգով կտեղեկացվի արդյունքների մասին:   

Նշենք, որ ԱԺ-ում Մարտի 1-ի հարցով լսումներից հետո ԵԼՔ-ի պատգամավոր Նիկոլ Փաշինյանը գրություն էր ուղարկել ՀՀ գլխավոր դատախազին՝ առաջարկելով հարցաքննության կանչել Ռոբերտ Քոչարյանին: Սրան ի պատասխան այսօր 2rd.am-ին տված հարցազրույցում Քոչարյանի մամուլի խոսնակ Վիկտոր Սողոմյանն ասել է. 

«Անկեղծ ասած, Փաշինյանի գործողությունները ինձ բացարձակապես չեն հետաքրքրում: Բայց, օգտվելով առիթից, ասեմ, որ իր «շնորհիվ» ականատես դարձա մեր նորագույն պատմության ամենացինիկ տեսարանի. Մարտի 1-ի անկարգությունների գլխավոր սադրիչն ու կազմակերպիչը Ազգային ժողովում Մարտի 1-ի գործով լսումներ էր կազմակերպել ու նստած ԱԺ նախագահի աթոռին՝ վարում էր նիստը»:   

«Իսկ ինչո՞ւ է մեր նախկին նախագահը սադրվել, եթե Նիկոլն է եղել Մարտի 1-ի սադրիչը կամ ո՞ւր էր Նիկոլը, երբ մեր զորքն ու զինտեխնիկան հայտնվել էր փողոցում»,- Forrights.am-ի հետ զրույցում Վիկտոր Սողոմոնյանին հակադարձեց 2008 թվականի «Մարտի 1»-ի գործով փաստահավաք խմբի անդամ Սեդա Սաֆարյանը՝ հավելելով, որ թեև չի կարող ասել՝ Փաշինյանի հանդեպ ինչպիսի համակրանք կամ հակակրանք է արտահայտում Ռոբերտ Քոչրայանը, սակայն Սողոմոնյանի հայտարարությամբ պատասխան չստացավ Մարտի մեկին Քոչարյանի մասնակցության հարցը:    

«Չլուծվեց խնդիրը, որը կա: Եթե ուզում են, որ Փաշինյանն էլ հարցաքննվի, այլ խնդիր է, որ երկուսով միասին գնան, հարցաքննվեն այդ գործով: Սակայն հարցին ոչ ադեկվատ պատասխան է տրվել: Քոչարյանին ինչն է մտահոգում, հարցը բարձրացնո՞ղը, թե՞ հարցի բովանդակությունը»,-ասաց փաստահավաք խմբի նախկին անդամը՝ հավելելով. «Հարցին լուծում պիտի տրվի՞, թե՞ չէ: Հարցի պատասխան չի հնչել մամուլի խոսնակի կողմից և ընդամենը Նիկոլի նկատմամբ իրենց վերաբերմունքն են արտահայտել: Հիմա էլ ես կարծում եմ, որ արդիական է ՀՀ նախկին նախագահի հարցաքննության անհրաժեշտությունը»:    

Մարտի 1-ի գործով փաստահավաք խմբի անդամ Անդրանիկ Քոչարյանը Forrights.am-ի հետ զրույցում տեսակետ հայտնեց, որ Ռոբերտ Քոչարյանը ոչ թե պետք է նման պատասխան տա խոսնակի միջոցով, այլ, լինելով այդ ժամանակվա ամենակարևոր որոշումներ կայացնող անձը, «պետք է պատրաստ լինի նախաքննական մարմինների հետ շփումներին, ուզի, չուզի»:   

«Ազգային ժողովի լսումները իրավական գործընթաց են: Քոչարյանի խոսնակի պատասխանն իրավական չէր: Քոչարյանը խոսնակի միջոցով տվեց իր ոճի՝ «դու ես մեղավոր» ոճի մեջ մի պատասխան: Կարծում եմ, պետք է իրավական ձևակերպումներով պատասխան լիներ այն հարցին, որը բարձրացվեց ԱԺ լսումների ժամանակ»,-ասաց Անդրանիկ Քոչարյանը:   

Դատախազությանն ուղղված Փաշինյանի նամակում նաև պահանջել է քննարկել Մարտի 1-ի գործով փաստահավաք խմբի անդամներ Սեդա Սաֆարյանի ու Անդրանիկ Քոչարյանի զեկույցը, որը մինչ այժմ ուշադրության չի արժանացել իրավապահների կողմից: Այս առթիվ ևս դեռ արձագանք չկա դատախազությունից:   

«Լավ կլինի, որ դատախազության պատասխանը քննության նյութ դառնա: Մարտի մեկից հետո Եվրախորհուրդը երեք բանաձև է ընդունել, որոնցով պահանջել է մարտի 1-ի բացահայտում, մինչև հիմա էլ պահանջում է»,- նշեց փաստահավաք խմբի անդամը՝ շարունակելով. «ԱՄՆ դեսպանը վերջերս խոսեց, ԱԺ լսումներ եղան, նոր հանգամանքներ ի հայտ եկան, էլ ուրիշ ի՞նչ ասվի: Նախաքննական մարմինն ունի աշխատանք կատարելու: Պետք է աշխատեն: Ժամանակին Սերժ Սարգսյանը ևս նախաքննական մարմնից պահանջեց շոշափելի արդյունքներ ցույց տալ: Տարիներն անցնում են, սակայն այդ արդյունքները տեսանելի չեն, սա է խնդիրը»:   

Այսօր «Ազատության» հետ զրույցում Նիկոլ Փաշինյանը, հակադարձելով Ռոբերտ Քոչարյանի խոսնակ Վիկտոր Սողոմոնյանի մեղադրանքներին, թե իրականում ինքն է «Մարտի 1»-ի կազմակերպիչը, սադրիչը, ասաց.   «Ռոբերտ Քոչարյանը պետք է շատ հստակ պարզաբանում տա, որտեղի՞ց իրեն այդ տեղեկատվությունը, թե մեքենայի հետևից դուրս էին գալիս, կրակում էին, ինչպիսի՞ տեղեկությունների վրա է հիմնված եղել նրա այդ հայտարարությունը, ի՞նչ փաստական ապացույցներ ունի ինքը դրա մասին։ Սա է գլխավոր թեման։ Սա այն հարցն է, որին Ռոբերտ Քոչարյանը պիտի պատասխանի՝ անկախ ամեն ինչից։ Իսկ «Մարտի 1»-ին իմ դերակատարությունը հրապարակային է եղել՝ տասնյակ հազարավոր մարդկանց աչքի առաջ, նույնիսկ իմ հեռախոսազանգերը գաղտնալսված և հրապարակված են, իմ գործով դատավարությունն է եղել, միջազգային արձագանք է եղել»։    

Հիշեցնենք, որ «Ելք»-ի կազմակերպած խորհրդարանական լսումների ժամանակ Մարտի 1-ի խորհրդարանական հանձնաժողովի նախկին նախագահ, ՀՀԿ-ական Սամվել Նիկոյանը բարձրաձայնել էր Ռոբերտ Քոչարյանին եւ Լեւոն Տեր-Պետրոսյանին հարցաքննության կանչելու անհրաժեշտության մասին: 

 Մարինե Խառատյան
1106
Print
արդար դատաքննության իրավունք
«Դեռ չեմ հավատում, ժողովուրդ ջան». «Սասնա Ծռեր» անդամ Հովհաննես Հարությունյանն ազատ արձակվեց 15.06.2018 | արդար դատաքննության իրավունք

«Դեռ չեմ հավատում, ժողովուրդ ջան». «Սասնա Ծռեր» անդամ Հովհաննես Հարությունյանն ազատ արձակվեց

«Սասնա Ծռեր» խմբավորման անդամները շարունակվում են գրավով, ստորագրությամբ կամ պատգամավորների երաշխավորությամբ ազատ արձակվել։ Այս պահի դրությամբ 32 ամբաստանյալներից 11-ի խափանման միջոց կալանքը փոփարինվել է տարբեր այլընտրանքային խափանման միջոցներով։ Շենգավիթի դատարանում այսօր եւս մեկ անդա

Գլխավոր դատախազը մատնանշել է, մասնավորապես, մարտիմեկյան դեպքերի, կատարված սպանությունների բացահայտումը 15.06.2018 | արդար դատաքննության իրավունք

Գլխավոր դատախազը մատնանշել է, մասնավորապես, մարտիմեկյան դեպքերի, կատարված սպանությունների բացահայտումը

Դատախազության կոլեգիայի երեկվա նիստում, որը վարել է գլխավոր դատախազ Արթուր Դավթյանը, քննարկվել են չբացահայտված, նաև վարույթները կասեցված սպանության և սպանության փորձերի դեպքերի, ինչպես նաև հանրային հնչեղություն ստացած այլ ծանր և առանձնապես ծանր, կոռուպցիոն և տնտեսական բ

Վճռաբեկ դատարանը Սամվել Բաբայանին ազատ արձակեց 15.06.2018 | արդար դատաքննության իրավունք

Վճռաբեկ դատարանը Սամվել Բաբայանին ազատ արձակեց

Լեռնային Ղարաբաղի պաշտպանության նախկին նախարար Սամվել Բաբայանը Վճռաբեկ դատարանի այսօր հրապարակած վճռով ազատ կարձակվի կալանքից՝ Ազգային ժողովի մի խումբ պատգամավորների երաշխավորության դիմաց:

Վճռաբեկ դատարանը փոխեց նաև գործով անցնող

լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: