լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
13.06.2018 | արդար դատաքննության իրավունք

«Սասնա Ծռեր»-ի գործով դատարան են ներկակացել սպանված ոստիկանների այրիները

«Սասնա Ծռեր»-ի գործով դատարան են ներկակացել սպանված ոստիկանների այրիները
Երեւան քաղաքի ընդհանուր իրավասության առաջին ատյանի դատարանի Շենգավիթի նստավայրում այսօր շարունակվում է «Սասնա Ծռեր 2» քրեական գործի քննությունը՝ 10 ամբաստանյալներով։ 

Տուժող կողմը հայտարարեց, որ դատարան են ներկայացել սպանված ոստիկաններ Գագիկ Մկրտչյանի այրի Հասմիկ Ոսկանյանը եւ Յուրի Տեփանոսյանի այրի Արփինե Թումասյանը։ Դատարանի որոշմամբ, վերջիններս ընդգրկվեցին գործի վարույթում՝ որպես տուժող կողմի իրավահաջորդներ։ 

Նիստի սկզբում՝ Սեդրակ Նազարյանի խափանման միջոց կալանքը փոփոխելու միջնորդության քննությունից հետո, մինչ դատարան կգային նրա համար անձնական երաշխավորագիր ներկայացրած ԱԺ «Ծառուկյան» դաշինքի պատգամավորներ Զարուհի Փոստանջյանը եւ Միքայել Մելքումյանը, դատավոր Մեսրոպ Մակյանը դատավարական կողմերին հայտնեց, որ շարունակվում է գործով առկա ապացույց հանդիսացող տեսանյութերի եւ ձայնագրությունների հետազոտումը։ Այսօր մեղադրող կողմը դատարանին ներկայացրեց Շտապ օգնության աշխատակիցների, տնօրեն՝ Թագուհի Սեփանյանի եւ ամբաստանյալներից մի քանիսի հեռախոսային գաղտնալսումները։ Խոսակցություններից պարզ է դառնում, որ Շտապ օգնության տնօրեն Ստեփանյանը, «Սասնա Ծռեր» անդամ «Միայնակ Գայլ» Արայիկ Խանդոյանին հորդորում է անհապաղ ազատ արձակել պատանդառված բժիշկներին. «էդ կնոջն ազատ արձակեք: Տղամարդ եք ի վերջո, էդ կինն ի՞նչ ունի անելու ձեր մեջ»,- հորդորում էր Ստեփանյանը։

Հեռախոսային ձայնագրություններից հասկացվում է, որ նույնաբովանդակ զրույցներ ժամանակ առ ժամանակ տեղի են ունենում ՇՕ տնօրենի եւ խմբավորման անդամների միջեւ։ Երբեմն խոսակցությունը լարվում էր եւ երկուստեք ձայնի բարձրացումներ էր լինում, ինչը վերածվում էր վեճի. «Արայիկ ջան, ինձ մոտ հիմա գտնվում են էդ բժիշկների ծնողները։ Հնարավո՞ր չի էդ կնոջն ազատել։ Ախր դու տղամարդ ես, չէ՞»,- Խանդոյանին էր հորդորում Թագուհի Ստեփանյան։ «Միայնակ Գայլ»-ի նյարդերն ի վերջո տեղի են տալիս. «Ք*՞քն ընկանք, որ տղամարդ ենք»,- լսվեց նրա բարկացած ձայնը, ինչին հաջորդեց Ստեփանյանի պատասխանը. «Հա , ք*քն ընկար»։

Դատարանը շարունակում է հրապարակել գործով անցնող ապացույցները։

Ռոզա Վարդանյան
1494
Print
արդար դատաքննության իրավունք
Ինչո՞ւ է լռում բարձրագույն դատական խորհուրդը 21.08.2018 | արդար դատաքննության իրավունք

Ինչո՞ւ է լռում բարձրագույն դատական խորհուրդը

Վերջերս զանգվածային լրատվության միջոցներում և ինտերնետային կայքերում հաճախ է հարց հնչում, թե ինչո՞ւ Բարձրագույն դատական խորհուրդը դիրքորոշում չի արտահայտում Հայաստանի Հանրապետության երկրորդ նախագահ Ռոբերտ Քոչարյանի գործով Վերաքննիչ քրեական դատարանի դատավոր Ալեքսանդր Ազարյանի կողմից գ

Ոստիկանությունում բռնության  ենթարկված Հայկ Մխիթարյանը՝ տուժողի փոխարեն մեղադրյալ 20.08.2018 | արդար դատաքննության իրավունք

Ոստիկանությունում բռնության ենթարկված Հայկ Մխիթարյանը՝ տուժողի փոխարեն մեղադրյալ

Օգոստոսի 17-ին  forrights.am խմբագրություն էին դիմել Գեղարքունիքի մարզի Զոլաքար գյուղի բնակիչներ 18-ամյա Հայկ Մխիթարյանն ու իր պապիկը՝ Միշա Մխիթարյանը։ Նրանք պատմեցին, թե ինչպես են Նոր Նորքի ոստիկանության աշխատակիցներն ապօրինի բաժին տարել Հայկ Մխիթարյանին և բռնության, սպառնալիքն

«Ազարյանը անաչառ դատավոր չի եղել. Նախկին իշխանությունների գործիքն է եղել և կա». Մարտի 1-ի նախկին կալանավոր Արամ Բարեղամյան 19.08.2018 | արդար դատաքննության իրավունք

«Ազարյանը անաչառ դատավոր չի եղել. Նախկին իշխանությունների գործիքն է եղել և կա». Մարտի 1-ի նախկին կալանավոր Արամ Բարեղամյան

Հրազդան քաղաքի ՀԱԿ ներկայացուցիչ Արամ Բարեղամյանը, ով գլխին միջին ծանրության  վնասվածք էր ստացել 2008 թվականի Մարտի 1-ի վաղ առավոտյան, երբ հատուկ ջոկատայինները ցրել էին Ազատության հրապարակի նստացույցը, իր մաշկի վրա է զգացել դատավոր Ալեքսանդր Ազարյանի իրականացրած արդարադատությունը

լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: