լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
13.06.2018 | արդար դատաքննության իրավունք

Սեֆիլյանը եւ մյուսներն ազատ արձակվեցին

Սեֆիլյանը եւ մյուսներն ազատ արձակվեցին
Երեւան քաղաքի ընդհանուր իրավասության Վերաքննիչ դատարանն այսօր որոշում կայացրեց հենց դատարանի դահլիճից ազատ արձակել «Ժիրայր Սեֆիլյանի եւ մյուսների» գործով ազատազրկված Ժիրայր Սեֆիլյանին, Գեւորգ Սաֆարյանին, Ներսես Պողոսյանին, Սասունիկ Կիրակոսյանին, Գալուստ Գրիգորյանին եւ Հրայր Թոփչյանին։

Դեռ նախորդ նիստին, մեղադրող կողմն իր վերաքննիչ բողոքի քննության ելույթում մեղմացրել էր վերջիններիս ազատազրկման ժամկետները։ Մասնավորապես. «Սեֆիլյանի պատիժը մեղմացնել եւ դատապարտել ազատազրկման 7 տարի ժամկետով, Գեւորգ Սաֆարյանի եւ Ներսես Պողոսյանի նմատմամբ խափանման միջոց կալանքը պայմանական չկիրառել, իսկ մյուս 3 անձանց՝ Գրիգորյանի, Թոփչյանի եւ Կիրակոսյանի մասով թողնել նույնը, քանի որ վերաքննիչ բողոքում նրանց պատժաչափի կրճատման մասին հիշատակված չէ»,- նշել էր դատախազ Պետրոս Պետրոսյանը։Վերաքննիչ դատարանը երկօրյա ընդմիջումից հետո, իր որոշումը հրապարակեց լեփ-լեցուն դահլիճում։ Սեֆիլյանը որոշումը լսեց նստած վիճակում՝ դեմքի անվրդով արտահայտությամբ։ Վերջինս դեռ նախորդ նիստին հայտարարել էր. «Բոլորն էլ դուրս են գալու, ես անպայման ազատ եմ արձակվելու, այլ տարբերակ չկա»։

Դատարանը՝ դատավորներ Մանուշակ Պետրոսյանի, Մխիթար Պապոյանի եւ Ռուզաննա Բարսեղյանի նախագահությամբ հայտարարեց, որ վերաքննիչ բողոքը բավարարվում է մասնակի։ Դատարանի դահլիճից ազատ են արձակվում Ներսես Պողոսյանը, Գեւորգ Սաֆարյանը, Սասունիկ Կիրակոսյանը, Հրայր Թոփչյանը եւ Գալուստ Գրիգորյանը, նրանց պատիժը մեղմացնել եւ սահմանել 2 տարի ազատազրկում՝ ստորագրությամբ ազատ արձակելով, իսկ Սեֆիլյանի պատժաչափը մեղամացնել մինչեւ 5 տարի 5 ամիս եւ պատգամավորների անձնական երաշխավորությամբ ազատ արձակել։Դատարանի դահլիճում նրանց դիմավորեցին զուռնա-դհոլով։

Հիշեցնենք, որ Շուշիի առանձնակի գումարտակի հրամանատար Ժիրայր Սեֆիլյանը դատապարտվել էր 10 ու կես տարվա ազատազրկման, Գևորգ Սաֆարյանը՝  5 տարի 5 ամիս, երեք անչափահաս տղաների հայր Ներսես Պողոսյանը՝ 3 տարի 5 ամիս, Արցախյան պատերազմի մասնակիցներ Հրայր Թոփչյանն ու Սասունիկ Կիրակոսյանը, Գալուստ Գրիգորյանը՝  3-ական տարվա ազատազրկման: Ժիրայր Սեֆիլյանը մեղավոր է ճանաչվել քրեական օրենսգրքի միանգամից 3 հոդվածներով՝ զանգվածային անկարգություններ կազմակերպելու նախապատրաստության, կազմակերպված խմբի կողմից ապօրինի կերպով հրազեն, ռազմամթերք ձեռք բերելու, պահելու և շենք-շինություններ զավթելու նախապատրաստության մեջ:Ի սկզբանե, Ժիրայր Սեֆիլյանը հայտարարել էր, որ սա դատավարություն չէ, այլ թատերական բեմադրություն: Մյուս 6 ամբաստանյալները մեղավոր էին ճանաչվել կազմակերպված խմբի կողմից ապօրինի կերպով հրազեն, ռազմամթերք ձեռք բերելու, պահելու և շենք-շինություններ զավթելու նախապատրաստության մեջ, իսկ Գևորգ Սաֆարյանը՝ զանգվածային անկարգություններ կազմակերպելու նախապատրաստության: Ըստ պաշտպանական կողմի դիրքորոշման, ներկայացված որևէ մեղադրանք չի ապացուցվել դատարանում, փոխարենը քրեական հոդվածների տակ իրականացվել է քաղաքական գործչի հետապնդում:

Ռոզա Վարդանյան
586
Print
արդար դատաքննության իրավունք
Ինչո՞ւ է լռում բարձրագույն դատական խորհուրդը 21.08.2018 | արդար դատաքննության իրավունք

Ինչո՞ւ է լռում բարձրագույն դատական խորհուրդը

Վերջերս զանգվածային լրատվության միջոցներում և ինտերնետային կայքերում հաճախ է հարց հնչում, թե ինչո՞ւ Բարձրագույն դատական խորհուրդը դիրքորոշում չի արտահայտում Հայաստանի Հանրապետության երկրորդ նախագահ Ռոբերտ Քոչարյանի գործով Վերաքննիչ քրեական դատարանի դատավոր Ալեքսանդր Ազարյանի կողմից գ

Ոստիկանությունում բռնության  ենթարկված Հայկ Մխիթարյանը՝ տուժողի փոխարեն մեղադրյալ 20.08.2018 | արդար դատաքննության իրավունք

Ոստիկանությունում բռնության ենթարկված Հայկ Մխիթարյանը՝ տուժողի փոխարեն մեղադրյալ

Օգոստոսի 17-ին  forrights.am խմբագրություն էին դիմել Գեղարքունիքի մարզի Զոլաքար գյուղի բնակիչներ 18-ամյա Հայկ Մխիթարյանն ու իր պապիկը՝ Միշա Մխիթարյանը։ Նրանք պատմեցին, թե ինչպես են Նոր Նորքի ոստիկանության աշխատակիցներն ապօրինի բաժին տարել Հայկ Մխիթարյանին և բռնության, սպառնալիքն

«Ազարյանը անաչառ դատավոր չի եղել. Նախկին իշխանությունների գործիքն է եղել և կա». Մարտի 1-ի նախկին կալանավոր Արամ Բարեղամյան 19.08.2018 | արդար դատաքննության իրավունք

«Ազարյանը անաչառ դատավոր չի եղել. Նախկին իշխանությունների գործիքն է եղել և կա». Մարտի 1-ի նախկին կալանավոր Արամ Բարեղամյան

Հրազդան քաղաքի ՀԱԿ ներկայացուցիչ Արամ Բարեղամյանը, ով գլխին միջին ծանրության  վնասվածք էր ստացել 2008 թվականի Մարտի 1-ի վաղ առավոտյան, երբ հատուկ ջոկատայինները ցրել էին Ազատության հրապարակի նստացույցը, իր մաշկի վրա է զգացել դատավոր Ալեքսանդր Ազարյանի իրականացրած արդարադատությունը

լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: