լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
12.03.2018 | մարդու իրավունքները փակ հաստատություններում

Հացադուլավոր Արկադի Պապյանին փրկելու համար նրա համագյուղացիները պատրաստվում են ճանապարհ փակել

Հացադուլավոր Արկադի Պապյանին փրկելու համար նրա համագյուղացիները պատրաստվում են ճանապարհ փակել
Փետրվարի 8-ից «Վանաձոր» քրեակատարողական հիմնարկում պահվող, իսկ անցյալ տարվա դեկտեմբերից Նուբարաշենի բերդ տեղափոխված քրեական հեղինակություն Արկադի Պապյանը հացադուլի մեջ է: Երեկ նրա առողջական վիճակը  կտրուկ վատացել է: Նա մի քանի անգամ ուշագնաց է եղել: 

Ըմբոստություն է հասունանում Արկադի Պապյանի  հարազատ Ոսկեպար գյուղում, որտեղ նա բազմաթիվ հարազատներ և ընկերներ ունի: Պապյանը «Վանաձոր» ՔԿՀ-ում «զոն նայողի» չգրված կարգավիճակում էր: Այս կարգավիճակը մեր կալանավայրերի չգրված օրենքներով միանգամայն ընդունելի է։ 

Պապյանին անցյալ տարեվերջին մեղադրեցին կաշառք տալու համար, «Վանաձոր» ՔԿՀ պետ Գևորգ Մկրտչյանին իր մարդկանց միջոցով մի քանի ամիս շարունակ 250-300 հազար դրամ փոխանցելու համար, ինչի դիմաց նա, ըստ ՀՔԾ հաղորդագրության, արգելված իրեր, թմրանյութեր, ալկոհոլ մտցնելու, ինչպես նաև բջջային հեռախոսից, ինտերնետից ազատ օգտվելու, «ղումար» խաղալու իրավունք է ստացել:  Պապյանը, սակայն չի ընդունում մեղսագրվող արարքը, ցուցմունք չի տալիս, ինչպես պնդում է նրա փաստաբան Ամրամ Մակինյանը, վստահեցնում է, որ իր դեմ ոչ մի ապացույց չկա: 

Արդեն երկու օր է, Ոսկեպարում լարված իրավիճակ է: Մարդիկ օրեր են հաշվում, սպասում են բերդից  լուրերի: «Եթե Կադոյի հետ մի բան պատահի, մենք գյուղի ճամփեն փակելու ենք», - ասում էր Արկադիի համագյուղացիներին, ով կապի էր հաստատել Forrights-ի հետ: 

Արկադի Պապյանը՝ Ոսկեպարի Կադոն, Հայաստանի հյուսիս - արևելյան սահմանների ինքնապաշտպանական մարտերի մասնակից է: Պատերազմից հետո մեկնել է Ռուսաստան, բայց հարազատ գյուղը չի մոռացել. «Օգնություններ՝ հաց, ալյուր էր ուարկում մարդկանց, ինչով կարող էր, օգնում էր գյուղին: Ապրիլյանի օրերին էլ ինքը նստած էր, բայց նրա ընկերները բլոկով սիգարետներ էին ուղարկում տղերքին», - պատմում է ոսկեպարցիներից Գ. Ա-ն: 

Ոսկեպարում հիշում են, որ 2012 թվականին, երբ Պապյանի մայրը մահացավ, նրան թույլ չտվեցին գալ գյուղ, մորը հրաժեշտ տալ: 

«50 օրից էլ հայր ծնողը մահացավ, էլի թույլ չտվեցին, որ գա; Մեր գյուղից մարդիկ գնացին, որ բերեն, չեն տվել իրան: Էդ տղեն բանտերում Քրիստոսի չարչարանք ա քաշել,  ի՞նչ կաշառք:  Մի հատ գնացեք, տեսեք, իրա ընտանիքը ոնց ա ապրում: Էդքան փող ունենար, իրա ընտանիքն էդ վիճակում չէր լինի: Ախբերներն են պահում երեք անչափահաս երեխեքին», - պատմեց մեզ Արկադի Պապյանի համագյուղացին:  

Ոսկեպարում Արկադի Պապյանին, որը դատապարտվել է ՌԴ Կեմերովոյի մարզի բնակիչ Իգոր  Նիկոնովի սպանության համար, հերոսացնում են: Սպանությունը տեղի է ունեցել 2007 թվականին, Կիսելյովսկ քաղաքի գիշերային ակումբներից մեկում: Բանն այն է, որ սպանվածը Կեմերովոյի քրեական հեղինակություններից էր, հայերի նկատմամբ ընդգծված դաժան վերաբերմունքով հայտնի: Պապյանը, Ոսկեպարում տարածված լուրերի համաձայն,  հանդիպել է Նիկոնովին և ասել է նրան, որ ինքը հայ է: Նիկոնովը հայհոյել է և զենք է քաշել Արկադի Պապյանի վրա: Վերջինս խլել է նրա զենքը և ինքն է կրակել Նիկոնովի վրա: 

Ա.Պապյանը տեղեկացել է, որ նույն քաղաքի բնակիչ Իգոր Նիկոնովը տեղի հայերի հետ գտնվում է լարված փոխհարաբերությունների մեջ: Ըստ 2013 թվականի դատավճռի,  «Ա.Պապյանը մի քանի անձանց հետ միասին գնացել է Կիսիլևսկ քաղաքի Կրասնոբրոդսկայա 1 հասցեում գտնվող ՙՄեմֆիս՚ գիշերային ակումբ և այնտեղ հանդիպել Ի.Նիկոնովին: Զրուցելու նպատակով վերջինիս հրավիրել է ակումբից դուրս, սակայն Ի.Նիկոնովը մերժել է Ա.Պապյանի առաջարկը, որից հետո նրանց միջև ծեծկռտուք է սկսվել: Այդ ընթացքում ամբաստանյալ Ա.Պապյանն ապօրինի կերպով իր մոտ պահվող ՙԻԺ–79՚ տեսակի գազային ատրճանակից... 6 անգամ կրակել է Ի. Նիկոնովի մարմնի տարբեր մասերին, միաժամանակ ատրճանակի կոթով մի քանի անգամ հարվածել Ի.Նիկոնովի դեմքի և գլխի տարբեր մասերին, դիտավորությամբ նրան զրկելով կյանքից»: 

«Ինքը Ռուսաստանում ազգի ինքնասիրությունն ա պահել: Փոխանցեք մեր երկրի նախագահին , գերագույն հրամանատարին, գյուղի համար, հայության համար ա արել - համոզված պնդում են Ոսկեպար գյուղում, - էդ սպանվածը հայերին չի սիրել: Մարդ ու կնիկ չեն կարողացել ման գալու դուրս գալ իրիկունը: Կիսելովսկում հայերին ճնշել ա, ծեծել ա, տանջել ա: Ինքը հայերին ա պաշտպանել, փախել ա Ռուսաստանից, մերոնք բռնել են՝ դատել: Հիմա տեսնենք, ինչ ա լինում, մենք փակելու ենք ճանապարհը, մենք կռիվ տեսած. պատերազմի միջով անցած ենք, ես Ոսկեպարի անունից եմ ասում»: 

Արկադի Պապյանը Իգոր Նիկոնովի սպանության համար դատապարտվել է 9 տարվա ազատազրկման: 2021 թվականին ժամկետն ավարտվում էր, և ահա՝ նոր հանցանքի մեջ են նրան մեղադրում: 

33 օրվա հացադուլի ընթացքում  Արկադի Պապյանին այցելել են պատիժների օրինականությունը հսկող դատախազը, իր գործով հսկող դատախազը, մարդու իրավունքների պաշտպանի գրասենյակից: Բոլոր զրույցներն անպտուղ են անցել: 

 Սյուզան Սիմոնյան
483
Print
մարդու իրավունքները փակ հաստատություններում
Նախորդ կոռումպացված համակարգի ամենատիպիկ ներկայացուցիչն է, նրա նշանակմամբ պահպանվում է նախորդ համակարգը․Ա․Սաքունց 15.06.2018 | մարդու իրավունքները փակ հաստատություններում

Նախորդ կոռումպացված համակարգի ամենատիպիկ ներկայացուցիչն է, նրա նշանակմամբ պահպանվում է նախորդ համակարգը․Ա․Սաքունց

Երեկ Արդարադատության նախարար Արտակ Զեյնալյանը քրեակատարողական ծառայության աշխատակազմին է ներկայացրել ՔԿԾ նորանշանակ պետ Արտյոմ Մխոյանին: «Արդյունավետությամբ և պատասխանատվությամբ կատարած աշխատանքով պետք է բարձր պահենք Հայաստանի հեղինակությունը»,- ասել է նախարարը և հորդորել է անել առավելա

«Եթե կարողացել ես բանտում մարդ մնալ, գազանի չվերածվել, միայն դա հերիք է հասարակություն վերադառնալու համար» 11.06.2018 | մարդու իրավունքները փակ հաստատություններում

«Եթե կարողացել ես բանտում մարդ մնալ, գազանի չվերածվել, միայն դա հերիք է հասարակություն վերադառնալու համար»

Հայաստանի արդարադատական համակարգը անելանելի ծանր վիճակի մեջ է դրել ցմահ դատապարտյալներին։ Ազատություն տանող ծանր դռները հավերժ փակված են, և թվում է՝ այդ մարդկանց փրկության միակ ելքը բնական մահն է։ Դատարաններն առանձնակի դաժանությամբ, անհիմն պատճաներով մերժում են պատժի կրման 20 տարին լր

ՔԿՀ աշխատակիցներն ու ոստիկանները խոշտանգել են դատապարտյալների 3.04.2018 | մարդու իրավունքները փակ հաստատություններում

ՔԿՀ աշխատակիցներն ու ոստիկանները խոշտանգել են դատապարտյալների

ՀՀ հատուկ քննչական ծառայությունում քրեական գործեր են հարուցվել ՀՀ ԱՆ «Աբովյան» և «Նուբարաշեն» քրեակատարողական հիմնարկների աշխատակիցների, ինչպես նաև ՀՀ ոստիկանության ծառայողների կողմից խոշտանգում կատարելու և բռնությամբ զուգորդված պաշտոնեական լիազորություններն անցնելու առերևույթ հանցագործո

լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: