լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
12.03.2018 | մարդու իրավունքները փակ հաստատություններում

«Արկադի Վարդանյանը քաղբանտարկյալ է. նրան խոշտանգում են՝ բանտում ապօրինաբար կիսափակ ռեժիմով պահելով»

«Արկադի Վարդանյանը քաղբանտարկյալ է. նրան խոշտանգում են՝ բանտում ապօրինաբար կիսափակ ռեժիմով պահելով»
Քաղաքագետ Արկադի Վարդանյանը, որին հանրությունն առավել հիշում է 2000 թվականին Հայաստանում կազմակերպած բազմահազար ցույցերից, քաղաքական հալածանքի է ենթարկվում բանտում. նրա նկատմամբ արդեն մեկ տարի կիրառվում է ՔԿՀ-ում պահման մի ռեժիմ, որն օրենքով նախատեսված չէ:    

Այս մասին Forrights.am-ին ասաց Վարդանյանի պաշտպան Նիկոլայ Բաղդասարյանը՝ հավելելով, որ Վարդանյանը քաղբանտարկյալ է միջազգային չափանիշներով:    

«Կան մեխանիզմներ, համապատասխան իրավական ակտեր, որոնց համադրմամբ որոշվում է՝ դատապարտյալը քաղբանտարկյալ է, թե ոչ: Արկադի Վարդանյանն այս պահին դիտվում է որպես քաղբանտարկյալ, քանի որ պատժի այլ՝ ավելի խիստ ռեժիմ է կրում, քան օրենքը նախատեսում է իր պատժի դեպքում: Օրենքով իրեն հասնում է այս պահին կիսաբաց ռեժիմ, սակայն նա պահվում է կիսափակ ռեժիմով, դրա համար է քաղբանտարկյալ»,- բացատրեց պաշտպանը:   

Նշենք, որ քաղաքագետ Արկադի Վարդանյանը դատապարտվել է 10 տարվա ազատազրկման՝ ՀՀ քրեական օրենսգրքի 35-104 –րդ հոդվածի 2-րդ մասի 8-րդ կետով՝ շահադիտական դրդումներով սպանության նախապատրաստություն, ընկերոջ հետ ընկերոջ հորը թունավորելու նախապատրաստության համար: Այս գործով Արկադի Վարդանյանը ձերբակալվել էր 2013 թ մայիսի 18-ին, իր ընկերոջ՝ Արսեն Ավետյանի հետ:   Դատարանում Վարդանյանը չի ընդունել սպանության նախապատրաստությանն օժանդակելու` իրեն առաջադրված մեղադրանքը՝ այն գնահատելով «քաղաքական աստառ» ունեցող: Նա դատարանում նաև հայտարարել է, որ որոշ պաշտոնյաներ անհանդուրժողական են իր հոդվածների հանդեպ, և  իրեն «փողոցից առևանգելու և անազատության մեջ պահելու նպատակը իրեն լռեցնելն էր, գուցե՝ վերադասին հաճոյանալը»:   

Ի դեպ, գործով տուժողը՝ ընկերոջ հայրը դատարանում հայտարարել է, որ իր որդին չէր կարող իրեն փորձել թունավորել: Սակայն Արկադի Վարդանյանն ու նրա ընկերը այս մեղադրանքով բանտում են մոտ 5 տարի: Ըստ Վարդանյանի պաշտպան Նիկոլայ Բաղդասարյանի՝ միջազգային կառույցները պետք է Վարդանյանին ճանաչեն քաղբանտարկյալ: 

«Նա, լինելով քաղաքական գործիչ, դրանով է պայմանավորում, որ ոչ թե իրեն հասանելիք ռեժիմն է կրում, այլ արդեն մեկ տարի գտնվում է մի ռեժիմի տակ, որը օրենքով իրեն չի վերաբերում»,-նշեց պաշտպանը:   Նշենք, որ ընդհանուր իրավասության դատարանը վերջրս մերժել է այդ առթիվ կալանավորի բողոքը և այժմ այդ որոշումը բողոքարկվում է Վերաքննիչ դատարանում:    

«Առաջին ատյանի դատարանը մերժեց տեղափոխումը՝ պայմանավորելով, որ նրա անվտանգությունը չեն կարող ապահովել կիսաբաց ռեժիմի դեպքում, թեպետ օրենքով նման պահանջ չկա: Եթե չեն կարողանում կալանավորի անվտանգությունն ապահովել, ապա տվյալ հիմնակի տնօրենը պետք է դիմում գրի, գնա»,- տարակուսանք հայտնեց Բաղդասարյանը՝ հավելելով, որ նման օրենսդրություն գոյություն չունի: 

«Իրենք ղեկավարվում են ենթաօրենսդրական ակտերով, որի իրավունքը չունեն, որովհետև նման հարցը լուծելիս պետք է ղեկավարվեն բացառապես սահմանադրությամբ կամ օրենքով»:   Վերջերս բանտում առողջական վիճակի վատթարացումից հետո Արկադի Վարդանյանի հետ հեռախոսով խոսել է կինոռեժիսոր, հասարակական գործիչ Տիգրան Խզմալյանը: 

«Ձայնը թույլ էր: Նրա բանտակիցն էր ինձ ասել, որ Վարդանյանի ինքնազգացողությունը վատացել է, պարզվել է, որ սրտի խնդիրներ են, սակայն նրան հրաժարվել են տանել քաղաքացիական հիվանդանոց և բուժօգնությունը տրամադրել է Արմավիր ՔԿՀ-ն»,-պատմեց Խզմալյանը՝ շարունակելով. «Ես համարում եմ, որ դա խոշտանգման միջոց է: Նա տարեց մարդ է և ունի մի շարք հիվանդություններ, սակայն  մերժում են նրան կիսափակ ռեժիմով բանտ տեղափոխել»:   

Պաշտպան Նիկոլայն Բաղդասարյանը ևս համոզված է, որ Վարդանյանը վատացման պատճառը բանտի պայմաններն են: 

«Իր առողջական վիճակի վատացումը բացառապես կապ ունի իր պահման վայրի հետ: Մի քանի անգամ դիմել եմ էդ հարցով: Դա փաստված է նաև կալանավորի գործում առկա փաստաթղթերով, քանի որ ինքը պահվում է էն պայմաններում, որոնք համատեղելի չեն իր առողջության հետ, հետևաբար, իմ կարծիքով, դա է նպասել իր առողջության վատթարացմանը»,-ասաց պաշտպանը:   Մինչդեռ ԱՆ քրեակատարողական վարչությունը օրերս մամուլում հերքել է, թե Արկադի Վարդանյանն ուշաթափվել է, և առողջական լուրջ խնդիրներ ունի: 

Պաշտպանը տրամաբանությունից դուրս է համարում ՔԿՎ-ի հերքումը: «ՔԿՀ աշխատողը ամեն վայրկյան նրա կողքին չէ, որ իմանա՝ ուշաթափվել է, թե ոչ: Նման բանը հերքել իրենք չէին կարող: Այլ բան է, որ կարող էին հետազոտել և պարզել՝ առողջական վիճակը բարվոք է, թե չէ»,-հակադարձեց պաշտպանը՝ ասելով. 

«Իր անձնական գործում կան փաստաթղթերը, որ նա վատառողջ է և բուժում է ստացել, 70-անց անձնավորություն է, և նման պայմաններում չէին կարող առողջական խնդիրները չսրվել»:   

Կինոռեժիսոր Տիգրան Խզմալյանի համոզմամբ՝ իշխանությունը Վարդանյանից վրեժ է լուծում: 

«Սա հաշվեհարդար է և վրեժխնդրություն՝ համակարգի կողմից քննադատի, այլախոհի հանդեպ: Արկադի Վարդանյանը երրորդ նախագահի կոշտ հակառակորդ է: Նրան փորձում էին հեռացնել Հայաստանից, զրկել էին տնտեսական լծակներից, բայց նա նորից վերադարձավ: Ցանկացած տրամաբանող մարդ մեղադրանքը զավեշտալի կհամարեր: Բավական ապահովված մարդ լինելով՝ ի՞նչ շահ պետք է ունենար ընկերոջ հոր, այն էլ ոչ հարուստ մարդու մահափորձը կազմակերպելու մեջ»,-հարց բարձրացրեց Խզմալյանը՝ շարունակելով. 

«Այն, որ հասարակությունն իր մեջ ոչ ուժ, ոչ հետաքրքրություն, ոչ խիղճ չի գտել՝ պաշտպանելու իր քաղաքացիներին, բերեց նրան, որ մաս առ մաս մեզ բոլորիս դարձրեցին պատանդներ ու քաղբանտարկյալներ»:   

Հիշեցնենք, որ անցյալ նոյեմբերին «Նուբարաշեն» ՔԿՀ-ում սրտի կաթվածից մահացավ Հոկտեմբերի 27-ի գործով ամբաստանյալ, գործով կարևոր վկա Էդիկ Գրիգորյանը, ում ՔԿՀ-ն հրաժարվել էր ժամանակին տեղափոխել քաղաքացիական հիվանդանոց: Ինչպես արդեն տեղեկացրել ենք, այժմ Գրիգորյանի հայրը ՀՀ քննչական կոմիտեին բողոք է ներկայացրել ՔԿՀ-ի ղեկավարության դեմ, ում մեղադրում է որդու մահվան համար:   

Մարինե Խառատյան
519
Print
մարդու իրավունքները փակ հաստատություններում
Նախորդ կոռումպացված համակարգի ամենատիպիկ ներկայացուցիչն է, նրա նշանակմամբ պահպանվում է նախորդ համակարգը․Ա․Սաքունց 15.06.2018 | մարդու իրավունքները փակ հաստատություններում

Նախորդ կոռումպացված համակարգի ամենատիպիկ ներկայացուցիչն է, նրա նշանակմամբ պահպանվում է նախորդ համակարգը․Ա․Սաքունց

Երեկ Արդարադատության նախարար Արտակ Զեյնալյանը քրեակատարողական ծառայության աշխատակազմին է ներկայացրել ՔԿԾ նորանշանակ պետ Արտյոմ Մխոյանին: «Արդյունավետությամբ և պատասխանատվությամբ կատարած աշխատանքով պետք է բարձր պահենք Հայաստանի հեղինակությունը»,- ասել է նախարարը և հորդորել է անել առավելա

«Եթե կարողացել ես բանտում մարդ մնալ, գազանի չվերածվել, միայն դա հերիք է հասարակություն վերադառնալու համար» 11.06.2018 | մարդու իրավունքները փակ հաստատություններում

«Եթե կարողացել ես բանտում մարդ մնալ, գազանի չվերածվել, միայն դա հերիք է հասարակություն վերադառնալու համար»

Հայաստանի արդարադատական համակարգը անելանելի ծանր վիճակի մեջ է դրել ցմահ դատապարտյալներին։ Ազատություն տանող ծանր դռները հավերժ փակված են, և թվում է՝ այդ մարդկանց փրկության միակ ելքը բնական մահն է։ Դատարաններն առանձնակի դաժանությամբ, անհիմն պատճաներով մերժում են պատժի կրման 20 տարին լր

ՔԿՀ աշխատակիցներն ու ոստիկանները խոշտանգել են դատապարտյալների 3.04.2018 | մարդու իրավունքները փակ հաստատություններում

ՔԿՀ աշխատակիցներն ու ոստիկանները խոշտանգել են դատապարտյալների

ՀՀ հատուկ քննչական ծառայությունում քրեական գործեր են հարուցվել ՀՀ ԱՆ «Աբովյան» և «Նուբարաշեն» քրեակատարողական հիմնարկների աշխատակիցների, ինչպես նաև ՀՀ ոստիկանության ծառայողների կողմից խոշտանգում կատարելու և բռնությամբ զուգորդված պաշտոնեական լիազորություններն անցնելու առերևույթ հանցագործո

լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: