լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
13.05.2018 | արդար դատաքննության իրավունք

1 ամիս առաջ «Սասնա ծռերի» գործով նոր մարդ է կալանավորվել

1 ամիս առաջ «Սասնա ծռերի» գործով նոր մարդ է կալանավորվել
Թավշյա հեղափոխությունից առաջ՝ ապրիլի 8-ին ՀՔԾ-ն որոշել է «Սասնա ծռերի» գործով նոր մարդու կալանավորել՝ ՊՊԾ գնդի գրավումից երկու տարի անց: Խոսքը տաքսու վարորդ Կարեն Խաչատրյանի մասին է, ով մեղադրվում է Սասնա ծռերին աջակցելու մեջ՝ մասնավորապես, ՊՊԾ գնդում ծռերի գտնվելու ժամանակ նրանցից երկուսին զանգելու համար:   

Այս մասին Forrights.am-ին ասաց Խաչատրյանի փաստաբան Արայիկ Պապիկյանը՝ հավելելով, որ մեղադրանքը շինծու է:     

«Սասնա Ծռերի ապստամբությունից 19 ամիս հետո շինծու մեղադրանքով կալանավորում են, այն դեպքում, երբ Խաչատրյանը 19 ամիս փախուստի չի դիմել,  նոր հանցանք չի գործել, որևէ մեկի վրա չի ազդել.ինչու՞ են կալանավորել»,-տարակուսանք հայտնեց պաշտպանը: 

Նա նաև ասաց, որ չնայած Կարեն Խաչատրյանը մեկ ամսից ավելի կալանավորված է, նրա հետ որևէ քննչական գործողություն չի կատարվել:  

Ուշագրավն այն է, որ դեպքից միայն մոտ երկու տարի անց ՀՔԾ-ն որոշել առգրավել  Խաչատրյանի հեռախոսները՝ թերևս փորձաքննելու համար: Ընդ որում՝  բռնագրավել է նաև տան ապրուստի գումարը: Այն դեպքում, երբ տաքսու վարորդ Կարեն Խաչատրյանը մանկահասակ երկու երեխա ունի, վարձով է ապրում և տան միակ կերակրողն է:     

Փաստաբանը ՀՔԾ-ից պահանջել է վերադարձնել ընտանիքի ապրուստը, սակայն ՀՔԾ-ից պատասխանել են, որ գումարը կվերադարձնեն միայն համապաասխան քննությունից հետո:   

Մարինե Խառատյան
1069
Print
արդար դատաքննության իրավունք
Ինչո՞ւ է լռում բարձրագույն դատական խորհուրդը 21.08.2018 | արդար դատաքննության իրավունք

Ինչո՞ւ է լռում բարձրագույն դատական խորհուրդը

Վերջերս զանգվածային լրատվության միջոցներում և ինտերնետային կայքերում հաճախ է հարց հնչում, թե ինչո՞ւ Բարձրագույն դատական խորհուրդը դիրքորոշում չի արտահայտում Հայաստանի Հանրապետության երկրորդ նախագահ Ռոբերտ Քոչարյանի գործով Վերաքննիչ քրեական դատարանի դատավոր Ալեքսանդր Ազարյանի կողմից գ

Ոստիկանությունում բռնության  ենթարկված Հայկ Մխիթարյանը՝ տուժողի փոխարեն մեղադրյալ 20.08.2018 | արդար դատաքննության իրավունք

Ոստիկանությունում բռնության ենթարկված Հայկ Մխիթարյանը՝ տուժողի փոխարեն մեղադրյալ

Օգոստոսի 17-ին  forrights.am խմբագրություն էին դիմել Գեղարքունիքի մարզի Զոլաքար գյուղի բնակիչներ 18-ամյա Հայկ Մխիթարյանն ու իր պապիկը՝ Միշա Մխիթարյանը։ Նրանք պատմեցին, թե ինչպես են Նոր Նորքի ոստիկանության աշխատակիցներն ապօրինի բաժին տարել Հայկ Մխիթարյանին և բռնության, սպառնալիքն

«Ազարյանը անաչառ դատավոր չի եղել. Նախկին իշխանությունների գործիքն է եղել և կա». Մարտի 1-ի նախկին կալանավոր Արամ Բարեղամյան 19.08.2018 | արդար դատաքննության իրավունք

«Ազարյանը անաչառ դատավոր չի եղել. Նախկին իշխանությունների գործիքն է եղել և կա». Մարտի 1-ի նախկին կալանավոր Արամ Բարեղամյան

Հրազդան քաղաքի ՀԱԿ ներկայացուցիչ Արամ Բարեղամյանը, ով գլխին միջին ծանրության  վնասվածք էր ստացել 2008 թվականի Մարտի 1-ի վաղ առավոտյան, երբ հատուկ ջոկատայինները ցրել էին Ազատության հրապարակի նստացույցը, իր մաշկի վրա է զգացել դատավոր Ալեքսանդր Ազարյանի իրականացրած արդարադատությունը

լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: